- 8 -

1266. o. T.

In nomine domini amen. Ea que geruntur in tempore, ne cum tempore dilabantur, litterarum debent memoria perennarj. Notum sit universis tam presentibus quam futuris omnibus hanc litteram inspecturis, quod nos Mesco dei gratia Dux de Opol, cum consensu omnium baronum nostrorum pro fideli servicio dilectorum baronum nostrorum dedimus Sbrozlauo et Mathie duas sortes in Sirdnicha, sortem videlicet Sdani et sortem Bratumilj contulimus et posteris eorum iure hereditario perpetuo possidendas. Concessimus siquidem eisdem fratribus comitj Sbrozlauo et comitj Matie eorumque posteris libertatem in eisdem sortibus triginta annis, In hunc modum, quod homines eorundem Militum qui in predictis sortibus erunt locatj, nostra de gratia ab omni iurisdicione palatynorum et castellanorum sint exemptj, nec camerarius castri eos audeat provocare. Set qui eos in aliquo provocare voluerit, non respondeant nisi coram nobis provocatj. In huius rei robur et memoriam perpetuam dedimus eisdem litteras et eorum posteris sigilli nostri munimine roboratas. Datum in Opol, Anno gratie Domini M°.CC°.Lx°. sexto, presentibus hiis testibus Comite Detcone, Chotcone castellano de Ratibor, Budiuogio tribuno, Sdezlauo vexillario, Rasicha subcamerario, Paulo subdapifero, Marcho subpincerna, Nicholao Godisconis, Bernardo, et aliis quam pluribus.

Kleiner Siegelrest an rother Seide.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.